Кожны месяц мы робім змену экспазіцыі карцін у нашай стрыт-арт прасторы «Акварыум». У чэрвені і ліпені 2026 у акварыуме даступная экспазіцыя карцін вядомага беларускага мастака авангардыста-абстракцыяніста Рышарда Мая з нашай сямейнай калекцыі. Выстава прысвечана да 90-годдзя мастака. Мне пашчасціла стаць вучаніцай Рышарда Антонавіча і вучыцца будучы дарослай у яго дзіцячай народнай студыі ў 2018-2019.
«Акварыум» – гэта стрыт-арт прастора ў прыгарадзе Менска ўздоўж дарогі насупраць сасновага лесу, дзе ўвесь час выстаўляюцца карціны мастачкі Лоры Паўлавай.
Экспазіцыя змяняецца ў пачатку кожнага месяца.
Выстава даступная для прагляду з вуліцы кругласутачна для ўсіх жадаючых.
Калі вы хочаце патрапіць унутр «Акварыума», пазнаёміцца і пагутарыць з мастачкай Лорай або стваральнікам прасторы – Артурам Паўлавым, калі ласка звяжыцеся з намі і ўзгадніце ваш візіт.
Мы шчыра рады гасцям і новым знаёмствам! Прыязджайце! Акварыум аб’ядноўвае людзей і дорыць незабыўныя ўражанні!
