Пра мастачку

“Я нарадзілася, жыву і працую ў Беларусі. Cтвараю абстрактныя работы пераважна алеем на палатне, аргаліце і ў інсталяцыях. Кожны мой твор служыць тэрапеўтычнай практыкай у адносінах з навакольным светам. Праца для мяне – гэта інтуітыўны выраз унутранага стану. Нягледзячы на часам змрочныя адценні, я шукаю ў сваіх карцінах баланс паміж крушэннем надзей і духоўным абнаўленнем.

Разглядаючы мае абстрактныя работы, я запрашаю гледача даследваць глыбіні ўласнай інтуіцыі і вызваліць свой розум ад абмежаванняў грамадства. Кожнае ўспрыманне ўнікальна, таму мае работы адкрыты для інтэрпрэтацыі.”

Лора Паўлава нарадзілася ў 1979 годзе ў в.Отар, Чачэрскага раёна, Гомельскай вобласці, Беларусь. У 2001 скончыла Беларускі Дзяржаўны Эканамічны Універсітэт.

З 2009 па 2018 гады працавала над уласным брэндам у сферы дызайну – Valenki Lora Pavlova.

Свой творчы шлях у выяўленчым мастацтве пачала ў 38 гадоў. У 2018 годзе Лора пагрузілася ў свет абстрактнага жывапісу алеем і з таго часу актыўна прымае ўдзел ў выставах як у Беларусі, так і за мяжой. У 2021 годзе адбылася яе асабістая выстава “Спалучэнне” у Мінскім Палацы Мастацтва.

З 2022 года Лора прымае наведвальнікаў у сваёй вясковай майстэрні – “Галерэі Лепей”, дзе працуе, курыруе выставы і творчыя імпрэзы.

У 2025 годзе пад Мінскам з’явіўся стрыт-арт праект “Акварыум” з пастаяннай выставай яе карцін, даступнай для ўсіх жадаючых кругласутачна.

Работы Лоры Паўлавай знаходзяца ў прыватных калекцыях па ўсяму свету і ў музейных калекцыях Беларусі.

З 2017 года Лора Паўлава актыўна прымае ўдзел у выставах як унутры Беларусі так і за мяжой. У раздзеле “ВЫСТАВЫ” можна падрабязна азнаёміцца з пералікам асабістых і групавых выстаў з удзелам мастачкі