Выстава “Мастацтва выбіраць прафесію”
Як зразумець сябе і зрабіць выбар прафесійнага шляху? Як адчуць тое, што будзе прыносіць задавальненне?
На экспазіцыі будуць прадстаўлены карціны, інсталяцыі і арт-аб’екты сучасных беларускіх мастакоў. Кожная праца суправаджаецца пытаннем, закліканым дапамагчы ў самавызначэнні наведвальнікам любога ўзросту.
Што можна зрабіць на выставе?
– Акунуцца ў прастору разважанняў аб будучай прафесіі.
– Адказаць на 20 пытанняў, каб лепш пазнаць сябе, свае схільнасці, мары.
– Даведацца больш аб сістэме прафесійнай адукацыі.
– Пазнаёміцца з сучаснымі беларускімі мастакамі.
– Забраць на памяць паштоўку з упадабанай працай.
Выстава стала часткай чатырохгадовага праекта “Занятасць, Прафесійная адукацыя і навучанне ў Беларусі”, што фінансуецца Еўрапейскім Саюзам.
Мастакі-ўдзельнікі выставы:
Лора Паўлава, Андрэй Высокинский, Zaza Kli, Сяргей Рысаков, Вікторыя Богуш, Вікторыя Ганчарова, Яўген Сосюра, Наталля Зубкова, Ірына Котава, Вераніка Рокашевич, Надзея Недашковская, Надзея Хмыль, Сяргей Бандаровіч.
Куратар: Надзея Хмыль
Дата: 8-15 снежня
Час: 10.00-00.00
Месца: Галерэя “Вершы” (Мінск, вул. Кастрычніцкая, 19)
Для каго: дзеці, моладзь і дарослыя
Кошт: бясплатна
